ప్రేమను పంచి ప్రేమను పొందు ప్రేమను మించిన తపసు లేదురా బాల

ప్రేమను పంచూ ప్రేమను పొందూ 

ప్రేమను మించిన తపసు లేదురా బాల

ప్రేమను పంచిన ప్రేమను పొందిన

జగమంతా  సుఖ శాంతులు రా

ఈ ప్రేమ తత్వమే సత్య సాయిరా

ఈ ప్రేమ తత్వమే  పరః బ్రహ్మ రా

ఈ ప్రేమ తత్వమే సర్వ మయమురా

ఈ ప్రేమే జనులకు ఇహ పరములురా

ఆ సాయి జూపినా దారియే నిదిరా ||

పొరుగు వాడు మన వాడనుకోరా

వాడు వీడు వేరనుకోకుమురా

సకల జీవులను సమముగ జూడురా

ఈ ప్రేమ తత్వమున  ఇంతే చాలురా ||

సేవ చేయరా ద్వేషము విడరా

భావము మంచిగ మలచు కొమ్మురా

నీవు నేను  ఒకటని దలచరా

ఈ భావమే నీకు బ్రహ్మ పదంబురా ||