నిన్నిడువను నిన్నిడువను నీలకంఠ
నిన్నిడువను నిన్నిడువను నీలకంఠ శివ నీలకంఠ!
హర హర కైలాస వాస!
నా మనసు తాడుతో నిన్ను కట్టి పడేస్తాను
కనుచూపులతో నిన్ను కాపుకాస్తాను |
నడకతో నీ చుట్టూ గస్తితిరుగు తుంటాను
నా హృదయ పంజరాన నిన్ను బంధిస్తాను ||
చేరదీయుమయ్య శంకర హర హర హారా
చేరదీయకున్న నిన్నిడువను శంభో హర|
కైలాస వాస ననునీవు కణికరించ కున్న
ఏనాటికైనా వదలను నిన్నెవరికైన చెప్పుకో ||
భూతనాథుడవనీ భూతి భూసుకొంటినీ
బోలాశంకరుడవని బోరున విలపించితి|
పరమ దయాళుడవనీ పాహి పాహి యంటిని
పతిత పావణుడవని పాదములను బట్టితిని||
రచన
Nagarangaiah Y
Comments
Post a Comment