నారాయణా లక్ష్మీ నారాయణా - గేయం

నారాయణా లక్ష్మీ నారాయణా

నా పాపములు బాపు నారాయణా ||

నామనవి ఆలించి నన్ను కరుణించి

నీ చరణ దాసుడిగ ననూ జూడు తండ్రి ||

నీలమేఘశ్యామ నీ చరణ కమలాలు

ఇహపరంబులు మాకు ఇష్ట దైవము నీవె ||

దీనరక్షక దేవ దివ్య సుందర రూప

దశముఖా సంహార దరణీజపతి రామ ||

బలిని మూడడుగులు దాన మడిగిన వాడ

వామన యవతార వసుదేవ నందన ||

సంచితంబులు బాపి సత్య మార్గము జూపి

పరమ పావన నీ పాద సన్నిధి జెర్చు ||

రచన

Nagarangaiah Y