ఇంత టక్క రెందుకయ్యా శంభో శివ

ఇంతటక్క రెందు కయ్య శంభో శివ

మమ్ము పుట్టించి మాయలోకి నెట్టేద వేలయా  ||

నీకేమి ద్రోహంబు చేశామయ్య మేము

అప్పు జేసి ఎప్పుడైనా ఎగవేశమా లేక

అనరాని మాటలన్నో అన్నామా ఎపుడైనా

నీమీద చాడీలు చెప్పామా ఎవరికైనా ||

అర్జునుడిలా నిన్ను బాణమేసి కొట్టామా నొక

భక్తురాలు రొకలితో బాదినట్లు బాదినామ

ఏతప్పు చేశామో మాకు దెలియ లేదయా

చావు పుట్టుకలు మాకు చాలించిన చాలయా ||

మణిమయ హారాలు నిన్ను అడుగుతామని యెంచి

విషమున్న పామును మడలోన వేశావా 

పట్టు పంచ లిమ్మనుచు  పట్టు పట్టేదమని

ఎవరడగ రని యెంచి ఏనుగు తోలును గడితివి.