సీ || నేతన్న కష్టాలు నెప్పుడు తీరవు.
సీ ||
నేతన్న కష్టాలు నెప్పుడు తీరవు
కాకి పిల్ల తెలుపు కాన రీతి
తరతరాలుగ యిట్లు తప్పలె కష్టాలు
కులము తప్పో లేక గుణము తప్పొ
కూలి చాలక యున్న కులవృత్తి మేలెంచి
మగువతోన కలసి మగ్గమిడడు
తప్పవు నప్పులు తిప్పలు తీరవు-
యెన్నడున్ వీడికి ఏమి కర్మొ
తే గీ.
అగ్గి పెట్టెలో చీరను అమర నేసి
అవని ఖ్యాతి నొందియు కూడ అప్పులాయె
ఇట్టి నేతన్న విధిరాత యిలన బ్రహ్మ
మరల మార్చడమున తాను మరచి నేమొ
Comments
Post a Comment