పితృ దేవతల స్తుతి
పితృ దేవతల స్తుతి
---------------
అమూర్తానాం చ మూర్తానాం
పితౄణాం దీప్తతేజసామ్ |
నమస్యామి సదా తేషాం
ధ్యాయినాం దివ్యచక్షుషామ్ ||
మూర్తివంతులు (మంచి రూపంగలవారు), మూర్తిరహితులు (రూపం లేనివారు), ప్రభవించే తేజస్సుగలవారు యోగశక్తి సంపన్నమైన కన్నులతో ధ్యానసిద్ధ దృష్టితో పరోక్ష విషయములను కూడా ప్రత్యక్షంగా చూచునటువంటి దివ్యనేత్రములతో ధ్యానింపబడువారైనట్టి పితృదేవతలకు ఎల్లపుడూ నమస్కరింతును.
ఇంద్రాదీనాం చ నేతారో
దక్షమారీచయోస్తథా |
సప్తర్షీణాం తథాన్యేషాం
తాన్నమస్యామి కామదాన్ ||
వారు ఇంద్రాది దేవతలకు నేతలు. అలాగే దక్ష-మరీచులకు, సప్తర్షులకు, అలాగే ఇతర ఋషులకూ నేతలు. కోరికలను తీర్చునటువంటి అలాంటి పితృవులకు నమస్కరించుచున్నాను._
మన్వాదీనాం చ నేతారః
సూర్యచంద్రమసోస్తథా |
తాన్నమస్యామ్యహం సర్వాన్
పితౄణప్యుదధావపి ||
మన్వాదులకు నాయకులు, సూర్యచంద్రులకు నాయకులు అలాగే పితృవులకు సంబంధించిన విధులలో పితృవులైనవారందరికీ నమస్కరిస్తాను._
నక్షత్రాణాం గ్రహాణాం చ
వాయ్వగ్నోర్నభసస్తథా |
ద్యావాపృథివ్యోశ్చ సదా
నమస్యామి కృతాంజలిః ||
అంజలీబద్ధుడనై నక్షత్రముల, గ్రహాల, వాయువుయొక్క, అగ్నియొక్క, ఆకాశముయొక్క అలాగే ద్యావాపృథివీల పితృవులకు సదా నమస్కరింతును._
దేవర్షిణాం చ నేతారః
సర్వలోకనమస్కృతాః |
త్రాతారః సర్వభూతానాం
నమస్యామి పితామహాన్ ||
వారు దేవర్షులకు నేతలు. వారు సర్వలోక నమస్కృతులు. వారు సకల భూతముల సంరక్షకులు. అంతటి పితామహులకు, పితృదేవతలకు నమస్కరింతును._
ప్రజాపతేర్గవాం వహ్నేః
సోమాయ చ యమాయ చ |
యోగేశ్వరేభ్యశ్చ సదా
నమస్యామి కృతాంజలిః ||
అంజలీబద్ధుడనై ప్రజాపతికి. ధేనువులకు, అగ్నికి, సోమునికి, యముడికి, యోగేశ్వరులకు, పితృదేవతలకు ఎల్లపుడూ నమస్కరింతును._
నమో గణేభ్యః సప్తభ్యోః
తథాలోకేషు సప్తషు |
స్వాయంభువే నమస్యామి
బ్రహ్మణే యోగచక్షుషే ||
లోకములనుండు సప్త పితృగణములకు, యోగచక్షుషుడూ బ్రహ్మస్వరూపుడూ అయిన స్వయంభువుకు నేను నమస్కరించుచున్నాను
Comments
Post a Comment