ఎన్ని గుళ్ళు దిరిగినా ఏమిలేదురా
ఎన్ని గుళ్ళు దిరిగినా ఏమిలేదురా
చింతలన్ని మానేసి చూడు లోన గురుని రా ||
ముక్కు కొనను ఎక్కు బెట్టి నిక్కి చూడరా
ఆ ముక్కు మహిమ ఏమొగాని దివ్య మాయరా||
ముసుగు వేసు కొన్న మాయ సొగసు చూడరా సొగసు లోనే దాగి ఉన్న మోక్ష కాంత జూడరా ||
అన్ని చోట్ల కలదిరిగెడి గాలియె నీ ఊపిరి రా
ఆ గాలి పీల్చు మూలమును బట్టి చేధించరా ||
ఈడ పింగళా మధ్య నున్నదాని చూడరా
నీటి కుండలోదాగిన నిక్షేపము గాంచరా ||
భూమి, జల, అగ్ని, వాయు, వాకాశములకు
మూల పరబ్రహ్మ మైన ముక్కంటిని వేడరా ||
సత్తి చిత్తు నొకటి జేసి సదా బ్రహ్మమందు నిలిచి
సచ్చిదానంద గురుని సాగిలబడి మ్రొక్కుమురా ||
రచన & గానం
యలిగండ్ల నాగరంగయ్య
తాడిపత్రి 9866068240
Comments
Post a Comment